Fréttir

Þann 17. nóvember sl. fagnaði Eykt 25 ára afmæli sínu en fyrirtækið var stofnað 17. nóvember 1986. í tilefni dagsins var öllum starfsmönnum fyrirtækisins sem þess áttu kost boðið í morgunkaffi á veitingastaðnum Hamborgarafabrikkuninni, sem er til húsa í turninum á Höfðatorgi. Þar átti starfsfólkið góða stund saman. þess skal getið að sumir starfsmenn Eyktar eru nú við störf í Stavanger í Noregi og á Höfn í Hornafirði.

Frá undirritun verksamnings við Íbúðalánasjóð  (Íls) vegna Vindakór 2-8  Frágang utanhúss.

Vindakór 2-8 samanstendur af tveimur íbúðablokkum með sameiginlegum bíla-og geymslukjallara. Íbúðalánasjóður er núverandi eigandi og ákvað að ljúka við utanhússfrágang og lagfæra það sem aflaga hefur farið. Verkið var boðið út í lokuðu útboði að loknu forvali. Eykt átti lægsta tilboðið í verkið og samþykkti stjórn Íls að ganga til samninga við Eykt

Eykt hefur tekið að sér framkvæmdir á Norðurbakka 15-21 í Hafnarfirði í samvinnu við Varmárbyggð ehf. Á lóðinni eru þrjár íbúðablokkir með 49 ófrágengnum íbúðum en fjórða húsið á lóðinni er óuppsteypt. Byggingarnar eru með sameiginlegum bílakjallara sem er frágenginn.

Sala íbúða gengur vel og stefnt er að því að ljúka frágangi íbúða fyrir áramót. Nánari upplýsingar eru að finna á tengli hér til hægri, áhugasamir geta haft samband við fasteignasölurnar, Ás, Stakfell, Hraunhamar eða Stóreign.  Sjá myndir

 

Síðustu daga hefur allt verið á fullu innan sem utan dyra við nýtt skólahús Heiðarskóla í Hvalfjarðarsveit. Verið er að ljúka frágangi við skólabygginguna áður en börnin koma í skólann. Tugir iðnaðarmenn eru að störfum við frágang lagna, málningarvinnu og glerjun innan dyra og utanhúss er unnið við frágang lóðar. 23. ágúst verður Heiðarskóli settur og nýtt skólahús formlega vígt sama dag.

Undanfarna mánuði hafa starfsmenn á vegum Eyktar verið að störfum í Stavanger í Noregi við uppbyggingu 32 íbúða í Rosehagen.

Framundan er uppsteypa á sökklum og veggjum vegna reisningar á 16 íbúðum í Myklebust en það er nýtt hverfi sem er í uppbyggingu og er gert ráð fyrir 2500 íbúðum á því svæði.

Samningsverki við uppsteypu á byggingum Austurstræti 22 Lækjargötu 2 og  Lækjargötu 2 b er lokið, og unnið er fyrir hönd Reykjavíkuborgar að stýriverktöku á öllum  verkþáttum  sem tengjast frágangi byggingana í heild.