Starfsmannafélag

Starfsmannafélag Eyktar

Starfsmannafélag Eyktar ehf heldur úti öflugri starfsemi. Leitast er við að hafa uppákomur af ýmsum toga svo allir geti fundið eitthvað við sitt hæfi. Á skákkvöldum sýna hugsuðir hvers þeir eru megnugir, á meðan gocart-keppnin höfðar meira til adrenalínfíkla. Í keiluspili, og þó e.t.v. sérstaklega golfi, er svo keppt í samhæfingu huga og handa.

Árshátíð telst til árvissra viðburða. Hún er oftar en ekki haldin utan borgarmarkanna auk þess sem reglulega er farið erlendis í tengslum við árshátíð.

Jólahlaðborð er annar viðburður sem mörgum finnst ómissandi að áliðnu hausti og hjálpar við að lýsa upp dimmasta skammdegið.

Stjórn starfsmannafélagsins ber hitann og þungann af því sem fram fer og er kjörin á aðalfundi á hverju vori. Nú sitja í stjórn Emil Gústafsson, Gunnar Steingrímsson, Jón Arnar Benediktsson, Heiðdís Búadóttir og Valgeir Eyjólfsson.

---