Eykt hefur lokið við að byggja Fosshótel við Höfðatorg sem er stærsta hótel landsins. Hótelið var opnað mánudaginn 1. júní 2015. Framkvæmdir við bygginguna hófust í nóvember 2013.
Hótelið er 16 hæða hátt með tvær hæðir til viðbótar neðanjarðar, alls 17 þúsund fermetrar. Á þessu 4 stjörnu hóteli eru 320 herbergi, sjö svítur á efstu hæð og þrír fyrsta flokks fundarsalir á annarri hæð. Á hótelinu er einnig fyrsta flokks veitingastaður sem tekur rúmlega 200 manns í sæti og bjórgarður á jarðhæð.
