Námsmannaíbúðir í Grafarholti

Eykt 17.04.2020

Byggingarfélag námsmanna og Eykt ehf. hafa undirritað samning um byggingu á 56 námsmannaíbúðum á þremur hæðum. Íbúðirnar munu rísa við Klaustur- og Kapellustíg í Grafarholti í Reykjavík.

Um er að ræða 36 einstaklingsíbúðir og 20 tveggja herbergja íbúðir í fjórum húsum ásamt geymslu fyrir starfsemi byggingarfélagsins. í­búðirnar eru fjár­magnaðar með stofn­fram­lagi frá Reykja­víkur­borg og Hús­næðis- og Mann­virkja­stofnun fyrir hönd ríkisins. Samnings­upp­hæð nemur tæpum 1.200 milljónum króna en á­ætlaður heildar­kostnaður við verkið er 1,5 milljarðar.

Aðalhönnuðir verksins eru Arkís arkitektar en samstarfsaðilar þeirra í verkefninu eru Víðsjá, Landhönnun, Lota og Mannvit.

Framkvæmdir eru hafnar og er gert ráð fyrir að fyrstu íbúðirnar verði teknar í notkun í ágúst 2021 en verkinu verður að fullu lokið í júlí 2022.